Karakteristyk-priis 2025 yn Tytsjerksteradiel
Tongersdei 13 novimber 2025 mocht wethâlder Jan Pieter van der Velde by syn earste publike optreden de Karakteristyk-priis útrikke oan it projekt fan Oranje Ferbynt en Doarpsbelang Burgum.
Sy hawwe mei ynset en mienskipskrêft de aktiviteiten rûnom 80 jier befrijing byinoar brocht en dêrmei wat weardefols en bliuwends makke foar Burgum en omjouwing.
Der komt ek noch in QR-route dy’t de ferhalen en ynformaasje op lokaasje foar de takomst behâldt – in moai erfskip foar bewenners en skoalbern.
